• Kilimanjaro
  • Inka Trail
  • Newtontoppen
INFORMASJON ANGÅANDE KORONAVIRUSET
NYE TURAR I 2021:  AUSANGATE / RAINBOW MOUNTAIN / MACHU PICCHU  OG  MERA PEAK
SVALBARD:  NEWTONTOPPEN SKIEKSPEDISJON  ER SATT OPP I APRIL/MAI 2021
KILIMANJARO

KILIMANJARO

Me går Machame-ruta, den flottaste ruta på fjellet.

Les meir

ACONCAGUA

ACONCAGUA

Aconcagua er det høgaste fjellet i Sør-Amerika.

Les meir

MERA PEAK

MERA PEAK

Ny tur til det høgaste trekking-fjellet i Nepal!

Les meir

INKA TRAIL

INKA TRAIL

Denne turen er verkeleg Sør-Amerika i eit nøtteskall.

Les meir

ELBRUS

ELBRUS

Elbrus er Europas høgaste fjell.

Les meir

ATLASFJELLA

ATLASFJELLA

Atlasfjella i Marokko er alpine, eksotiske og varierte.

Les meir

EVEREST BC / LOBUCHE EAST

EVEREST BC / LOBUCHE EAST

På denne turen kan du pirka verdas aller høgaste fjell på leggen.

Les meir

SVALBARD SKITUR

SVALBARD SKITUR

Svalbard er kanskje eit av dei flottaste arktiske naturområda i verda.

Les meir

NEWTONTOPPEN SKIEKSPEDISJON

NEWTONTOPPEN SKIEKSPEDISJON

Ein litt lenger og tøffare tur enn Svalbard skitur.

Les meir

MOUNT KENYA

MOUNT KENYA

Bli med til Mount Kenya-massivet i Afrika!

Les meir

SVALBARD FOTTUR

SVALBARD FOTTUR

Svalbard eksploderer i ein intens og kort sommar nokre få veker i august.

Les meir

MSAMARIA

MSAMARIA

Hjelp barna på Msamaria Center for Street Children ved foten av Kilimanjaro.

Les meir

dagbok NEWTONTOPPEN SKIEKSPEDISJON 2017

 

LAURDAG 13. MAI

Akkurat no (kl. 17:15) sit dei i den superraske rib-båten på veg tilbake til sivilisasjonen - dusj, kald pils, biff, dundyne... alt dei har sakna dei siste 11 døgna. Men det går nok ikkje lang tid før dei ønsker seg ut igjen i den arktiske audemarka, Svalbard set varige spor hjå dei som likar barsk natur. Dei har gjennomført ein tur som dei aldri kjem til å gløyme, med mange høgdepunkt - dei har kryssa dei store innlandsbreane, besteget det høgaste fjellet, fulgt dei enorme brearmane ned mot havet, gått på sjøisen i Austfjorden - blant mykje anna. Og i dag fekk dei påfyll når det gjeld det historiske og kulturelle også, ved at dei var på sightseeing i den gamle nedlagte russiske gruvebyen Pyramiden. Der virkar det verkeleg som om tida har stått stille sidan russarane brått forlot staden i 1999. Takk til deg som har fulgt med på denne dagboka undervegs. Dersom du vil vera med på ein liknande tur arrangerer eg denne turen annakvart år, og den litt kortare Svalbard skitur kvart år. Ta kontakt dersom du vil ha meir informasjon.

- Jarle

19

19

19

19

19

19

19

 (Foto: Jakob Sørbotten)

 

TORSDAG 11. MAI

Dei ligg godt an tidsmessig (dei har faktisk ikkje hatt ein einaste liggedag pga. uvær...) og dei flytta derfor ikkje leiren ved Hoglandsvatnet i dag. Dei tok seg heller ein topptur opp til den heilt spesielle fjellformasjonen Tarantellen. Grunnen til at den har fått dette navnet er at det kan sjå ut som ein gigantisk edderkopp med tre bein som står på toppen av eit fjell. Ein geologisk raritet... Været er fortsatt nydeleg og endeleg har vinden løya også. I morgon går dei 350 høgdemeter oppover breen, før dei slepper seg ned Ragnarbreen mot sørvest. Deretter er det sjarmøretappen igjen til Pyramiden, der dei sannsynlegvis slår leir.

- Jarle

 

ONSDAG 10. MAI

Gallerpasset viste seg for bratt så vi gikk ned Smutsbreen. Flotte omgivelser og deilig med lang nedoverbakke! Tåkedekt bre og navigering på kompasskurs. Fin forandring etter flere dager i sola. Utfordrende  navigering i Smutsbremorenen med mye is og stein. Camp der Smutsdalen møter Austfjorden. Første dag med bjørnevakt for gruppa. Kaldt og surt med vind fra nord. I dag: lang etappe til sørenden av fjorden til Overgangshytta og lunsj. Forbi spektakulær brefront på Mittag Lefler-breen. Ingen bjørn observert i fjorden. Videre opp breen til morenen på vestsiden ved Trikolorfjellet. Etter nesten 25 km var det en imponerende gjeng som peiset på til camp ved Hoglandvatnet. 31 km totalt. Alle ved godt mot. Tror mange sover godt i natt. Supert vær og vindstille.

- Jakob

Newtontoppen 6

Austfjorden langt der nede (Bilete frå ein tidlegare tur. Foto: Jarle Trå)

Newtontoppen 6 

Den mektige brefronten på Mittag Leffler-breen (Bilete frå ein tidlegare tur. Foto: Jarle Trå)

 

MANDAG 8. MAI

Fekk ein tekstmelding frå Jakob i ettermiddag (via satellitt, her oppe er det ingen dekning via vanleg mobil - heldigvis...). Dei ligg no på Gallerbreen etter å ha gått anstendige 25 kilometer i dag nedover den enorme brearmen Veteranen som går rett mot nord. Mot slutten av etappen svinga dei av mot vest og gjekk oppver Gallerbreen mot Gallerpasset som dei skal over i morgon. Følg med på kartet. Sol og vindstile i dag og Jakob melder om karbonader til middag i "solveggen" - det tyder på at det kanskje har vore litt varmare i dag (alt er relativt... her kan du sjå temperaturen). I morgon satsar dei altså på å komma seg over Gallerpasset og bratt ned til Tryggvebreen.

- Jarle

 

SUNDAG 7. MAI

Vi har akkurat vært på toppen. Veldig kaldt, men sol og god utsikt. God stemning. Blir i leiren på Keplerbreen i natt. Går til Gallerbreen i morgen.

- Jakob

 1070357057

(Foto: Jakob Sørbotten)

 

LAURDAG 6. MAI

Jakob ringte i kveld og dei ligg no ved Astronomfjellet, dvs. rett sør for Newtontoppen. Dei vurderer om dei skal gå opp i kveld eller venta til i morgon. Det bles litt akkurat no, men det er meldt mindre vind i morgon og vidare framover. Newtontoppen er 1713 meter høg og er med det det høgaste fjellet på Svalbard. Sjølv om mange av dei største fjella på Svalbard er bratte og skarpe, er heldigvis Newtontoppen enkel. Du kan gå til topps med heilt vanleg fjellski.

- Jarle

Bilete frå "toppstøtet" på ein tidlegare tur til Newtontoppen:

Newtontoppen 17

Newtontoppen 10

Newtontoppen 10 

(Foto: Jarle Trå)

 

TORSDAG 4. MAI

I går køyrte dei opp til sørenden av Filchnerbreen. Jakob meldte om mykje vind, men milde temperaturar. I dag løya vinden litt og dei gjekk 22 kilometer over Filchnerfonna til Lomonosovbreen. Følg med på kartet. Stemninga er på topp i gruppa og dei gledar seg til morgondagens etappe. Med samme framdrift som i dag vil dei ikkje vera så veldig langt frå Newtontoppen i morgon kveld. Dei får heldigvis ikkje spesielt låge temperaturar dei første nettene - værmeldinga for Lomonosov viser minus 16 i natt. Det er nesten shortstemperatur på desse trakter... Dei er no oppe på dei store bremassiva i dei nordvestlege delane av Spitsbergen, omtrent 1000 meter over havet. Etter at dei forhåpentlegvis har besteget Newtontoppen i løpet av nokre dagar, skal dei bevega seg nedover i "låglandet". Langtidsmeldingane ser framleis strålande ut, kanskje klarar dei å gjennomføre turen utan ein einaste liggedag pga. dårleg vær? Men det er vinden som bestemmer det, og vind kan det bli sjølv om været generelt er fint. Men ein liggedag eller to i teltet er berre triveleg, i alle fall så lenge ein har gode marginar på å nå fram til Billefjorden der dei skal bli henta av båt om 9 døgn.

- Jarle

 

ONSDAG 3. MAI

Tidleg i dag starta dei turen nordover med snøskuterar til startpunktet for skituren. Dei køyrer frå Longyearbyen austover og over til Sassendalen, vidare nordover og opp Phillippbreen til Lomonosovfonna. Du kan som nevnt følga med på dette kartet undervegs. Newtontoppen - som er turens første mål - ligg eit stykke nord for Lomonosovfonna. Værmeldingane ser lovande ut. Litt vind på fredag ellers stort sett flott vær framover.

- Jarle

b6

b6

b6

b6

b6

 

TYSDAG 2. MAI

Deltakarane på denne turen har vore ute ei vinternatt før (bokstaveleg talt...) men det er likevel viktig å bruke litt tid på forberedelsar og gjennomgang av utstyr. I dag har dei derfor, saman med turledarane Jakob, Morten og Bjørn, trent på å setta opp telt, bruka bensinbrennarar og dei har sett korleis pulksystemet vårt fungerer. Me brukar lette plasbrett (paris-brett) på Svalbard-turane våre, men me brukar likevel stive drag, altså ikkje taudrag, som er mest vanleg. Dette er etter vår meining ei veldig god løysing som gjer at me får fordelane frå begge "pulksystema", men få av ulempene. Etterpå tok dei ein tur på museumet i Longyearbyen, eit must når ein er på Svalbard. Fangsthistorien på Svalbard er noko som nordmenn flest ikkje har noko særleg forhold til, men det er eit svært fascinerande kapittel i norges historie - med begivenheiter og skjebnar så eventyrlege at det kunne vore laga mange spennande spelefilmar med dette som tema.  I morgon startar sjølve skituren, følg med her framover for å sjå kva som skjer no når gjengen vår startar sitt eige arktiske eventyr.

- Jarle

5

5

5

5

5

Frå dagens forberedelsar. (Foto: Jakob Sørbotten)

 

FREDAG 28. APRIL

Årets Newtontoppen skiekspedisjon er snart i gang! Værmeldingane ser bra ut, ikkje noko nedbør eller vind å snakke om og ikkje spesielt låge temperaturar. Perfekt... Johanna, Tove, Grete Karin, Sigbjørn, Anders og Alf er klare for å oppleva den arktiske villmarka på sitt beste. På mandag kveld møtes dei i Longyearbyen for å gjera dei siste forberedelsane. Onsdag startar dei med ein lang snøskutertur nordover til Lomonosovfonna der skituren startar.

Jakob ledar denne turen med stø og erfaren hånd. Med seg har han Morten som assistent og Bjørn som utplassert student frå Arktisk Naturguide-linja i Longyearbyen. Dette er ein kompetent turledar-trio som til saman har lang erfaring med å leda turar på Svalbard.

Følg med på denne sida for oppdateringar frå gjengen undervegs, me satsar på å få til oppdateringar via satellitt-telefon ca. annakvar dag.

Les alt om turen og dagsprogrammet her.

Dersom du vil følge med på kvar ruta går, sjå dette kartet. Eg skal prøve å forklare så nøyaktig i referatet at du lett kan følge med.

Sjå også det spektakulære webkameraet som står i Longyearbyen. Det er no midnattssol i Longyearbyen så sjølv om du går inn og ser på webkameraet midt på natta vil det vera lyst.

Legg gjerne igjen ei helsing til deltakarane i gjesteboka.

(Bilete frå tidlegare turar. Foto: Jarle Trå)

newtontoppen 04

newtontoppen 04

newtontoppen 04

newtontoppen 04

 

 

DAGBOK NEWTONTOPPEN 2007

 

Sjå bilder frå turen her

 

Her kan du lesa detaljert dagsprogram og masse informasjon om denne turen.

 

Dersom du syns denne turen høyres litt tøff ut, er min ordinære Svalbard skitur kanskje noko for deg?

 

Svalbard skitur og Newtontoppen skiekspedisjon vil i utgangspunktet bli arrangert annakvart år. Svalbard skitur i oddetals-år og Newtontoppen skiekspedisjon i partals-år.

 

For deg som likar lange skiturar arrangerer eg også Josten på langs med bærarar i mai kvart år.

 

For Svalbardofile arrangerer eg også Svalbard fottur i august kvart år.


Ski-ekspedisjonen til Newton-toppen på Svalbard er over, og alle 11 som var med sit igjen med utrulege og storslagne naturopplevelsar som me aldri kjem til å gløyme. Me hadde stort sett fint vær på heile turen og me la bak oss eit ca. 140 kilometer langt skispor. Svalbard er storslagent og ekstremt - me kryssa dei uendelege breane, me mista pusten når me tok oss ned gjennom Atomfjella og me måtte knipa oss nervøst i armen når den svære bamsen kom nærmare og nærmare...

 

Me vart køyrt ut med snøscooterar til eit punkt ca. 900 meter over havet på Lomonosov-fonna - og henta 12 dagar seinare på Ragnabreen over Petuniabukta. Snøscooter-turane var ein flotte opplevelsar i seg sjølv - me fekk oppleva mykje av den fantastiske naturen på Svalbard frå komfortable snøscooter-seter.

 

Ruta vår gjekk over Lomonosov-fonna (1255 moh. på det høgaste), gjennom Keppler-passet til foten av Newtontoppen, Svalbards høgaste fjell (1713 moh.). Dette besteig me før me satte kursen vidare mot Trebrepasset og nedover den enorme brearmen Veteranen som endar opp i Hinlopen-stredet mellom Spitsbergen og Nordaustlandet. Me tok av vestover ved Gallerbreen og enda opp på kanten av Gallerpasset som stuper ned mot Tryggvebreen. Her tok me oss ned, delvis rutsjande på den bratte snøen - sikkert komisk å sjå på oss der me kava oss nedover med pulkane som gjekk kast i kast rundt oss. No var me midt i hjertet av Atomfjella - det mest alpine og storslagne området på heile Svalbard. Me tok oss deretter ned Tryggvebreen heilt ned til Austfjorden. Me var no i bamse-strøk (dei held seg stort sett ved kysten) og derfor måtte me ha isbjørn-vakt heile natta. Me hadde med ein stor pose bamsemums som ein kunne kosa seg med mens ein sat vakt - me satsa på at det var den einaste formen for bamsemums den natta... Berre dagar før me kom der, hadde dei jaga 20 bjørnar på ei natt i hytta ved Austfjordneset. Me hadde snublebluss rundt alle leirane, også dei heilt oppe på Lomonosov-fonna. Det gjekk heldigvis ingen bamsar i fella, men Olav klarte å vekka heile gjengen (og det i ein viss fart...) når han skulle ut på eit nødvendig ærend... Me gjekk langs Austfjorden heilt inn til der den enorme Mittag-Leffler breen fløymer ut i fjorden. Her fekk me møta bamsen for første gong. Me fekk først auga på den svære ruggen av ein hannbjørn då den angreip eit par selar som låg på isen - men jakta var mislykka. Deretter satte den kursen mot oss, og me kunne tydeleg sjå i kikkerten at den sleika seg rundt munnen mens den sakte men sikkert kom nærmare og nærmare... Den såg liksom opp i lufta heile tida for å gje oss inntrykk av at den absolutt ikkje var interessert i oss, men berre tilfeldigvis gjekk i vår retning... Men heldigvis kom det brått ei søt lubben binne innover fjorden, og den bestemte seg for å satse på litt kos - og ikkje mat. Heldigvis for oss!

 

Deretter gjekk me opp Mittag-Leffler breen, og me hadde vår siste leir ved Hoglandsvatnet, eit vatn som låg oppe på breen heilt til for få år sidan. Proppen gjekk på ein eller annan måte ut, og vatnet "forsvant" i løpet av veldig kort tid. No ligg det berre gigantiske isfjell hulter til bulter på den tidligare botnen, og det er ein spesiell opplevelse å vandre gjennom. Frå vår siste leir gjekk me ein kveldstur opp til Tarantellen, ein av Svalbards mest merkverdige fjellformasjonar. Ein 40 meter høg formasjon med to gigantiske tunnellar gjennom som står på toppen av ein fjellrygg nesten 800 moh.

 

Sjå bilder frå turen her
Vil du vera med på ein ski-ekspedisjon på Svalbard? Les meir

DAGBOK NEWTONTOPPEN14. - 27. APRIL 2014

 

 

FREDAG 25. APRIL


Gjengen er attende i Longyearbyen etter ein flott siste etappe frå Foxfonna ned til vegen som går opp til Gruve 7. Været er i følge nettkameraet fortsatt strålande, dei har verkeleg hatt ein fin periode værmessig dei siste dagane av turen. Etter busstransporten til Longyearbyen var det tid for utrydding av utstyr, tørking av telt osv. Så er det sikkert litt feiring og diverse som står på programmet i kveld. Takk for at du har fulgt med her - snart kjem dei heim att fullspekka med inntrykk, og sikkert med mange bilete som dei vil dele med kjente og kjære. Dersom du har lyst til å bli med på ein tur på Svalbard ein gong - enten sommar eller vinter - sjå programmet øverst i menyen for alle turane eg arrangerer dei nærmaste åra.
- Jarle

 

 

TORSDAG 24. APRIL


Knut er ein typisk vestlending frå indre strok - ein sindig kar som vanlegvis ikkje sløsar med superlativa. Så når han beskriv utsikta frå leiren i kveld som "heilt vill" - ja, då må den faktisk vera heilt spesiell... Vidare skriv han at dei har hatt ein fantastisk dagsetappe frå Pjalten over Kokbreen, Svellnosbreen, Foxpasset og opp på Foxfonna. Dei ligg no på det øverste punktet på Foxfonna, 818 moh. Null vind og strålande føre. Dei siste dagane har dei hatt 10-20 cm. pudder, noko som er svært uvanleg på Svalbard.
- Jarle

 






 

 

ONSDAG 23. APRIL


Snakka med Knut i kveld. Dagens etappe gjekk opp Møysalbreen og over passet til Rugaasfonna og fjellet Pjalten, som dei hadde slått leir ved. Då han ringte var dei på ein kveldstur opp på ein topp vest for leiren. Viss eg forstod han rett så var det Gløttfjellet dei stod på. Der var det dekning med vanleg mobiltelefon, og han fekk også sendt meg nokre bilete. Dei svirrar nok rundt i cyberspace endå, for eg har ikkje mottatt dei, men legg dei ut så fort dei kjem. Han fortalte om fantastisk vær og lys - og nesten heilt vindstille.
- Jarle

 

 

TYSDAG 22. APRIL


Kl. 20:30
Deilig å vere på tur igjen, god stemmning bak Janssonhaugen. Vindstille og flott, det trengte me no :) Satser på å gå opp Møysalbreen i morgon. -17 grader, så det er friskt å gå bjørne vakt!
- Knut

 

 

Kl. 13:00
Då er det på'an igjen... Gruppa har pakka og organisert seg og er klar for ny tur. Kl. 16 blir dei køyrt ut Adventdalen omtrent så langt bilvegen går (ca. ei mil). Etter nokre timars marsj rett austover i den enorme Adventdalen slår dei leir sannsynlegvis nederst i Janssondalen. Området dei skal gå i dei neste dagane er Møysalbreen og sannsynlegvis Foxbreen (sjå kart). Været og forholda vil bestemma nøyaktig rute, eg vil halda dere oppdatert her kvar dei legger kursen. Værmeldingane ser no heldigvis mykje betre ut og dei vil få strålande vær i alle fall dei første par dagane. Dei planlegg å vera attende i Longyearbyen på fredag. Sjekk været i Longyearbyen akkurat no. Dersom dere spoler dere tilbake i tid på nettkameraet så ser dere kanskje at dei no har midnattssol i Longyearbyen. For to dagar sidan, 20. april, nekta sola for første gong denne våren å gå under horisonten sjølv på det lågaste. No blir det berre lysare og lysare netter framover.
- Jarle

 

 

MANDAG 21. APRIL


Brynjulv, Knut og Jakob har gjort ein kjempejobb i dag og fått alt utstyret tilbake i Longyearbyen. Og heldigvis var det ikkje blitt noko særleg meir skadar enn det var då dei forlot det. No heng alt til tørk, knekte teltstenger blir skifta ut og alt utstyret blir grundig gjennomgått. Turen fortsetter sannsynlegvis i morgon forutsatt at me då er ferdige med gjennomgang og kontroll av alt utstyret. Det blir då ein tur i Drønbreenområdet, sannsynlegvis tre overnattingar. Kjem tilbake med detaljar i løpet av morgendagen når alt er 100% sikkert.
- Jarle

 

 

SUNDAG 20. APRIL


Knut forteller om vindkast opp i 27 m/sek i dag tidleg. Eit telt forsvant rett og slett i vinden, mens eit anna vart fullstendig øydelagt. Vinden kom for alvor kl. 0700 i dag tidleg og dreia i alle himmelretningar. Værmeldingane for denne morgnen varsla på ingen måte så kraftig vind, og i alle fall ikkje at den skulle komme frå ei anna retning enn vest. Leiren var lagt i forhold til å få le frå vestavinden. Stor takk til Sysselmannens folk som i løpet av imponerande kort tid hadde fått folka våre tilbake i Longyearbyen etter at beslutninga var tatt.
- Jarle

 

Kl. 1349
Det andre helikopteret landar no og dermed er alle tilbake i Longyearbyen.

 

Kl. 1342
Det første helikopteret med 10 personar landar akkurat nå. Dei blir køyrt opp til Spitsbergen Guesthouse der det heldigvis var ledige rom.

 

Kl. 1325
Har akkurat fått bekrefta frå Sysselmannen at alle er evakuert og på veg tilbake til Longyearbyen i to helikopter.

 

Kl. 1205
På grunn av sterk vind og låge temperaturar har det blitt beslutta å evakuera gruppa i dag. Eg understrekar at alle har det bra, men fleire telt har blitt øydelagt i løpet av natta og morgontimane. Det er dermed ikkje noko anna løysing enn å avbryte turen. Sysselmannen sender to helikoptere for å hente dei ut. I følge værmeldingane skal vinden løye utover dagen

 

 

LØRDAG 19. APRIL


Er det ikkje det eine så er det det andre. Dei gjekk i dag ned Opalbreen og eit stykke oppover Akademikerbreen, og er derfor i le for den harde vestavinden. Men temperaturen ga dei utfordringar i natt. 25 minusgrader førte til at fleire ikkje fekk sova skikkeleg. Temperaturen er meldt like låg i natt, sjølv om dei no er nede frå det høge breplatået. Men heldigvis blir det ein god del mildare i alle fall dei to neste nettene. Vær og klima på Svalbard er heilt "på styr" for tida, gjennomsnittstemperaturen har i januar, februar og mars vore skyhøgt over normalen. I ein 30-dagarsperiode i januar/februar var den heile 13-14 grader over normalen, noko som overraska både metereologar og forskarar og skapte nyheitsoppslag både i norsk og internasjonal presse. Les artikkel i Svalbardposten. Sprengkulda kom altså i år langt ut i april! Men gjengen er ved godt mot. Værmeldingane ser veldig bra ut framover, i alle fall med tanke på vind. Men temperaturen vil nok ikkje innby til soling framover heller...
- Jarle

 

 

FREDAG 18. APRIL


Snakka med Brynjulv på satellitt-telefonen seint i kveld. Dei ligg no på Filchnerfonna på toppen av Opalbreen. Utkøyringa med snøscooterar gjekk fint, og dei gjekk 12-14 kilometer på litt over 4 timar.Turen er for alvor i gang! Dei slepp endå ikkje unna vinden. Dei neste to døgna kjem det fortsatt til å blåsa relativt mykje, men når den endeleg roar seg på søndag ser det ut til å bli nesten heilt rolege forhold. 24 minusgrader der dei er no - ca. 850 moh. I morgon går dei ned Opalbreen og kjem seg dermed forhåpentlegvis litt i le både for vind og låge temperaturar.
- Jarle

 

 

TORSDAG 17. APRIL


I dag har dei vore på tur i vinden oppover Larsbreen og opp på Sarkofagen, nøyaktig 500 meter over havet. Frå Sarkofagen er det ei flott utsikt utover heile Longyeardalen. I tillegg fekk dei seg ein tur med hodelykt ned i ei isgrotte i breen - spennande! Det har blåst godt i dag, så taktikken med å vente med utkøyring til i morgon har nok vore smart. Tidleg i morgon bryter dei leir og går ned igjen til Nybyen øverst i Longyearbyen. Der pakkar dei utstyret på snøscooter-sledane og begynner på den lange transportetappen nordover. For ei lita veke sidan var det klart at me måtte gjera nokre endringar i ruta sidan Tempelfjorden ikkje er trygg å kryssa denne vinteren. Det blir mindre sjøis for kvart år som går, og i framtida må ein kanskje permanent legga om denne turen litt sidan ein sannsynlegvis ikkje lenger kan rekna med at Tempelfjorden er islagt. Dei startar derfor litt lenger søraust enn opprinneleg planlagt, og går ein stor runde der Newtontoppen vil bli besøkt omtrent halvvegs.
- Jarle

 

For dei som har lyst til å følga med på kartet så er snøscootertransporten som følger:
Longyearbyen - Adventdalen - Sassendalen - Rabotbreen - Philipbreen.
Startpunktet blir på toppen av Philippbreen, rett aust for fjellet Bikkja

 

Skituren er planlagt slik:
Bikkja - Rembebreen - Akademikerbreen - opp passet nord for Jøkulhøgdene - Oxfordbreen - Tufsane - Eplet - Ermakbreen (Newtontoppen) - Keplerbreen (alternativt Stuttbreen) - Sentralishetta - Lomonosovfonna - Filchnerfonna - Bikkja

 


Dette satellittbiletet er kun få dagar gammalt og viser at kryssing av Tempelfjorden fortsatt er uforsvarleg med ei stor snøscooter-gruppe. Som dere kanskje ser er ikkje isens kvalitet spesielt høg på krysningspunktet, og det er heller ikkje mogeleg å krysse lenger inne mot brefronten der ein ser at isen er meir solid, då det ikkje er mogeleg å køyre langs fjellsidene som stuper bratt ned i fjorden. Vanlegvis er Tempelfjorden dekka med solid drivis mykje lenger ut enn i år.

 

 

ONSDAG 16. APRIL


Då er me komme oss ut på tur! Har slått leir rett under Sarkofagen oppanfor Nybyen. Har vore litt vind i dag, men fint og stilt no i kveld. Alle i godt humør og me håper på å få oss ein fin skitur i morgo i vente på finværet som bør komme på fredag!
- Knut

 

Snakka med Brynjulv på telefon i kveld, og dei har hatt ein fin dag som starta med ein tur på museumet i Longyearbyen. Det anbefales for alle som kjem til Svalbard. Historien til denne øygruppa er både fascinerande og dramatisk, kanskje spesielt alle historiane om fangstmennene som var - og fortsatt er - på Svalbard. Deretter gjekk dei oppover mot Larsbreen i forholdsvis kraftig vind og dårleg sikt. Etter ein tur litt lenger opp på breen gjekk dei ned att til der dei hadde bestemt seg for å slå leir. Telta ligg på ei høgde med god utsikt ned til Longyearbyen. Vinden har løya no i kveld, og då eg snakka med Brynjulv stod dei ute og såg på det fantastiske lyset som omga dei - mens fire reinsdyr beita fredeleg rett attmed leiren... Gå gjerne inn på nettkameraet og sjå korleis lyset var i kveld - det er lite som slår solnedgangen på Svalbard! (Dei bur rett under Sarkofagen, fjellet på 206 grader, med heile Longyeardalen under seg).
- Jarle

 




(Foto: Knut Horvei)

 

 

TYSDAG 15. APRIL


Alternativ start!
Det ser ut som at værgudane har bestemt seg for å stikka kjeppar i hjula for gjengen vår i starten. Vinden er i morgon og på torsdag meldt heilt opp i 18 meter i sekundet, altså sterk kuling. I så sterk vind vind er det uforsvarleg å starta turen langt oppe på Lomonosovfonna, som er eit av dei høgaste breområda på Svalbard. Det er i slike situasjonar det er godt å ha erfarne og kjente Svalbard-guidar som turledarar, slik at me kan hiva oss rundt og endra litt på planen. Etter pakking og forberedelsar i dag - sidan det fortsatt er bra vær - la dei derfor i veg på fottur opp på den karakteristiske Sukkertoppen rett bak Longyearbyen. I morgon vil dei besøka museumet i Longyearbyen, deretter gå med pulkar og alt utstyret opp til Larsbreen rett bak Longyearbyen der dei sannsynlegvis vil overnatta to netter i telt. Det vil nok riva godt i telta her også, men her skjer det i heilt kontrollerte og trygge former i nærheiten av sivilisasjonen. Frå denne leiren vil dei kanskje ta ein skitur opp på Trollsteinen dersom forholda tillet det og besøka ei spennande isgrotte på breen. Fredag morgon vil dei så bli transportert med snøscooterar ut til opprinneleg planlagt startpunkt, og starta turen "på alvor". Det vil sei at dei har to dagar mindre til å gå runden på, men me har såpass med marginar på dette at dersom været spelar på lag skal det sannsynlegvis ikkje vera noko problem.

 

BREAKING NEWS!!!
Akkurat no kan du faktisk sjå gjengen på veg opp på Sukkertoppen på nettkameraet. Sjekk bileta frå 17:15 og utover, du ser ein stor gjeng på veg opp fjellsida rett bak bebyggelsen (rett sør på kompasset, ca. 175 grader). Du kan zoome inn med "spaken" oppe til høgre.
- Jarle

 


Lyset er alltid flott på Svalbard. På tur over Sukkertoppen i kveld. (Foto: Brynjulv Eide)

 




Pakking og matøkt... (Foto: Knut Horvei)

 

 

MANDAG 14. APRIL


Alle på plass i Longyearbyen!
I kveld starta turen offisielt med middag på Kroa. I morgon er det pakking av pulkar, trening i telt-oppsetting og bruk av bensinbrennarar og generelle forberedelsar som står på programmet. Og kanskje rekk dei eit besøk på museumet også.

 

Stemningen i gjengen er allerede høg - mykje tyder på at dette blir ein svært morsom gjeng å lede for Knut, Brynjulv og Jakob. Følgande SMS-korrespondanse fant stad mellom deltakar Inga og meg i kveld:

 

Inga: "Jeg holdt på å bli spist av en isbjørn!"
Jarle: "Å herregud, kva gjorde du då?"
Inga: "Jeg klatret opp i et tre"
Jarle: "... men... det er ingen trær på Svalbard"
Inga: "Hva ellers skulle jeg gjøre da?"

 

(Foto: Jarle Trå)

 

Ellers kan du ta ein titt på dette nettkameraet som viser eit fantastisk flott 360 graders bilete av omgivelsane rundt Longyearbyen døgnet rundt. Anbefaler spesielt å sjå innom seint om kvelden, då det nesten er midnattssol i Longyearbyen no. Du kan også "spole" deg tilbake i tid ved å trykke på pilene under biletet. Om du ser godt etter ser du kanskje nokon av "våre" traske rundt i gatene i morgon...
- Jarle

 

 

LØRDAG 12. APRIL


Ei stor gruppe på 16 deltakarar legg snart ut på det ultimate Svalbard-eventyret. Dei svært erfarne "Svalbardianarane" Knut Horvei, Brynjulv Eide og Jakob Sørbotten ledar gruppa gjennom ekte arktisk villmark på på den lengste skituren me arrangerer på Svalbard.

 

Dei blir først transportert med snøscooterar nordover frå Longyearbyen, til området rundt Newtontoppen (1713m), det høgaste fjellet på Svalbard. Denne turen går i verkeleg øde terreng, dei kjem nok ikkje til å møte mange andre på dei 11 dagane skituren pågår...

 

Trond, Sigbjørn, Marianne, Stein Åge, Helene, Vigdis, Brynhild, Brage, Laila, Hans Christian, Halvard, Jonas, Gunnar, Gustav, Maria og Inga går nok akkurat no rundt med skikkeleg reisefeber - klare for å legga ut på kanskje sitt livs eventyr...

 

Følg med her for nyheiter undervegs, me satsar på å få til oppdateringar via satellitt-telefon ca. annakvar dag.

 

Les alt om dagsprogrammet og andre detaljar om turen her

 

Dersom du vil følge med på kvar ruta går, sjå dette kartet. Eg skal prøve å forklare så nøyaktig i referatet at du lett kan følge med.

 

Legg gjerne igjen ei helsing til deltakarane i gjesteboka

 

(Bilete frå ein tidlegare tur, foto Knut Horvei, Brynjulv Eide og Jarle Trå)

 












Nyheitsbrev

Registrer epost-adressa di her for å motta nyheitsbrev med jamne mellomrom.