inka trail - verdas flottaste fottur


Å gå Inka Trail fram til Machu Picchu er ein av dei flottaste og mest berømte vandreturane i verda. Men Peru-turen min inneheld så mykje meir enn det: Amazonasjungelen, Nazcaørkenen og Ballestasøyane - også kalla Peru sitt svar på Galapagosøyane. Og dersom du ønsker det kan du også besøke det verdskjente Rainbow Mountain, og avslutte med eit besøk på dei flytande øyane i Titicacasjøen.

det beste av sør-amerika

Dei fleste av oss ønsker ein eller annan gong i livet å oppleve Sør-Amerika. Naturen og kulturen er fascinerande og heilt annleis enn det me er vant med. Men dette kontinentet er langt vekke og for mange vil ein tur dit vera noko ein kun gjennomfører ein gong i livet. Derfor gjeld det å oppleva det mest karakteristiske, spesielle og spektakulære når ein først er der.

Dersom ein fekk valget om kva attraksjonar i Sør-Amerika ein ville oppleva, ville nok dei fleste svart Inka Trail, Machu Picchu, Rainbow Mountain, Amazonas-jungelen og Titicaca-sjøen. Eg har derfor satt sammen ein tur som inneheld blant anna desse attraksjonane (Rainbow Mountain og Titicacasjøen er frivillig og ikkje inkludert).

Peru er kanskje verdas mest varierte land når det gjeld natur. Snøkledte fjell over 6000 meter (Andesfjella), ørken med nokre av verdas største sanddyner (Nazcaørkenen), verdas største og mest artsmangfaldige jungel (Amazonasjungelen), verdas mest fargerike fjell? (Rainbow Mountain), verdas høgaste navigerbare innsjø (Titicacasjøen) og Peru sin versjon av Galapagosøyene (Ballestasøyane). På denne turen kan du oppleva alt sammen! Tilbakemeldingane frå dei som har deltatt er eintydige - dette er ein tur der ein får utruleg mange inntrykk og opplevelsar i løpet av kort tid.

Men sjølv om attraksjonane står i kø, er det sannsynlegvis vandreturen langs Inka Trail fram til Machu Picchu som vil vera høgdepunktet for dei fleste. Dette er ein 4-dagers tur (3 overnattingar i telt) der du vandrar i dei fantastisk flotte Andesfjella på høgder opp til 4200 meter.

Når ein i tillegg får besøke Inka-hovedstaden Cusco og fleire andre viktige historiske kulturminner, samt ein av verdas største byar Lima, seier det seg sjølv at det er lite tid til å kjeda seg på denne turen!

ENDRINGAR I DAGSPROGRAMMET FRÅ OG MED 2024

Frå og med 2024 endrar eg litt på rekkefølgen på turen. Det er kun fordelar med endringa, og det blir gjort for å få ei endå betre akklimatisering. Dagsprogrammet nederst på denne sida er no oppdatert. Alle element av turen er med som før, men turen til dei flytande øyane i Titicacasjøen på slutten av turen blir frivillig. Det betyr at standardturen no blir 15 dagar, og 17 dagar dersom du velger å bli med til Titicacasjøen etterpå.

Endringa fører også til at det åpnar seg ein del nye mogelegheiter f.o.m. 2024:

  • Du kan besøke det verdenskjente Rainbow Mountain på dag 6 av turen (frivillig)
  • Dersom du har "dårleg tid" er det mogeleg å vera med kun på Inka Trail, Machu Picchu og Amazonasjungelen. Då blir turen 12 dagar totalt. Evt. kun sjølve Inka Trail og Machu Picchu, då kan du slå av ytterlegare 2-3 dagar.

NB!  Viktig å melde seg på tidleg - f.o.m. 2024 er det kr. 1000 i rabatt ved tidleg påmelding! Les meir 

 

Reisemål Inka Trail / Machu Picchu / Amazonas / Titicaca
Land Peru
Max. høgde Ca. 4200 moh.
Antall dagar 15  (17 dersom du velger å avslutte med Titicacasjøen)
Datoar Sjå min fullstendige turkalender med oversikt over påmeldingsstatus
Min. antal 10
Max antal 20
Påmelding Sjå påmeldingsskjema

Påmeldingsfrist

Ingen konkret påmeldingsfrist, men eg anbefaler tidleg påmelding. Ved sein påmelding kan det bli eit tillegg for flybilletten. F.o.m. 2024 er det kr. 1000 i rabatt ved tidleg påmelding! Les meir

Pris 2024 50 900  (+ 5000 for Titicacasjøen)
Pris 2025 52 900  (+ 5900 for Titicacasjøen)  (+ evt. tilslutning)
  NB! 1000 i rabatt ved tidleg påmelding

Eg kan arrangere alle mine turar som lukka privattur dersom de er ein vennegjeng, familie eller firma som ønsker ein tur kun for dykk. De kan då bestemma avreisedato sjølv, og dagsprogrammet kan til ein viss grad tilpassast slik de ønsker det.

viktig!

På grunn av at det kun er 500 personer som får lov til å starte på sjølve Inka Trail kvar dag (inkludert bærarar og guidar), anbefaler eg at du melder deg på tidleg på denne turen. Det er ikkje mogeleg å reservera plassar på Inka Trail. Det varierer kor tidleg det blir fullt, men eg anbefaler at du melder deg på minimum 8 månader før turen startar. Nokre periodar er det mindre pågang, så du må gjerne ta kontakt om det nærmar seg avreise også, så kan eg sjekke om det er ledige lisensar tilgjengeleg.

 

Prisen inkluderer

  • Fly tur/retur frå Gardermoen (tilslutningsavgift frå andre flyplassar f.o.m. 2025)
  • Alle innenriksfly i Peru
  • All transport i Peru
  • Alle hotellovernattingar i delt dobbeltrom
  • Alle måltid på Inka Trail og i Amazonas
  • Alle frukostar
  • Alle tillatelsar og parkavgifter
  • Alle utflukter og severdigheiter med engelsktalande guide
  • Lokal turleiar (Tito eller Giscard, sjå turkalendaren)

 

PRISEN INKLUDERER IKKJE

  • F.o.m. 2025. Evt tilslutning til Gardermoen
  • Tips til lokale guidar, kokkar og bærarar (140 - 190 dollar, avhengig av gruppestørrelse)
  • Flytur over Nasca-linjene (ca. 280 dollar + 5 dollar i flyplasskatt pr. jan. 2024)
  • Dagstur til Rainbow Mountain (ca. 100 dollar pr. jan. 2024)
  • Lunsjar og middagar i Lima, Cusco, Ica og Puno
  • Drikkevarer
  • Evt. enkeltrom

 

TRANSPORT

Fly over Atlanteren til Lima, hovedstaden i Peru. Me flyr med innanriksfly av høg standard internt i Peru. Også busstransport er av relativt høg standard, med fokus på sikkerheit og komfort. Motorisert kano innover i Amazonas-jungelen.

 

OVERNATTING

Alle hotell er av relativt god standard. I Amazonas-jungelen bur me i litt enklare rom/bungalowar, men det er bad på kvart rom. På Inka Trail bur me i moderne 2-mannstelt (3 netter).

 

MAT

Maten på hotella er omtrent som du er vant med her heime. Frukosten er typisk litt enklare enn kva me nordmenn er vant med. Når me går Inka Trail har me med eigen kokk. I Amazonas-jungelen er maten av god hotell-standard.

 

FYSISK FORUTSETNING

Du må vera i bra fysisk form for å gå Inka Trail, dvs. at du ikkje har problem med å gå ein roleg tur på mange timar i norske fjell. Dag to og tre er lange og det er ein del høgdemeter opp og ned. Stien er svært god, men terrenget er kupért. Bærarane våre tar seg av bagasjen, du sjølv bærer kun det du treng under sjølve marsjen. Temperaturen er stort sett behageleg på dagtid, men sjølvsagt kan været slå om her som på alle andre fjell. Temperaturen er sjeldan under 0 grader om natta.

 

ALTERNATIVT DAGSPROGRAM

Det nye dagsprogrammet f.o.m. 2024 (sjå lenger oppe på nettsida) åpnar altså opp for fleire spennande alternativ:

  • Du kan bestemme sjølv om du vil til Titicacasjøen på slutten av turen. Standardturen er 15 dagar. Med Titicacasjøen blir den 17 dagar. Turledaren blir ikkje med til Titicacasjøen, men du vil sjølvsagt bli møtt på flyplassen i Puno av dei lokale guidane og tatt godt vare på heilt til du returnerer til flyplassen for flyturen heim att.
  • Dersom du har "dårleg tid" er det mogeleg å vera med kun på Inka Trail, Machu Picchu og Amazonasjungelen. Då blir turen 12 dagar totalt. Evt. kun sjølve Inka Trail og Machu Picchu, då kan du slå av ytterlegare 2-3 dagar.
  • Du kan besøke det verdenskjente Rainbow Mountain på dag 6 av turen (frivillig, ikkje inkludert).
  • Dersom du ikkje er i stand til å gå sjølve Inka Trail, kan du likevel vera med på turen. Du vil då ha eit alternativt program dei tre dagane dei andre vandrar langs Inka Trail, for så å møte dei den fjerde dagen når dei kjem fram til Machu Picchu. Du vil altså få oppleve Machu Picchu på akkurat samme måte som dei som har gått Inka Trail. Det alternative programmet består blant anna av eit besøk i Sacred Valley.
  • Dag 1

    Dag 1

    Me flyr frå Norge til Lima i Peru. Dersom me flyr med KLM flyr me heilt fram på ein dag, dersom me flyr med andre selskap kan det bli nattfly og dermed start frå Noreg ettermiddagen før. Dette vil du få informasjon om veldig tidleg.
  • Dag 2

    Dag 2

    Etter frukost flyr me over Andesfjella til Puerto Maldonado langt inne i jungelen. Frå Puerto Maldonado blir me frakta i motoriserte kanoar oppover elva Madre de Dios til dei eksotiske jungel-bungalowane som me skal bu i dei neste to nettene. Me drar ut på tur i området, både til fots og med kano. Me studerer det særegne dyrelivet i jungelen, blant anna apekattar, papegøyar, piraia (kanskje får du ein på kroken...), skilpadder og kanskje til og med den sjeldne elve-oteren og kaimanen (krokodille). Er du ekstremt heldig får du også sjå jaguaren.
  • Dag 3

    Dag 3

    Me fortsetter utforskinga av dyrelivet i området og me drar kanskje på båttur til ein liten innsjø i nærleiken. Me besøker kanskje også ein shaman, som er den lokale medisinmannen (heksedoktoren…) for stammefolket som lever i nærleiken. Me går trappene opp i det 37 meter høge tårnet der du får oversikt over jungelen frå oven, kanskje ser du Andesfjella i det fjerne dersom det er god sikt. (Detaljane i programmet mens me er i jungelen vert bestemt ut frå kva guidane anbefaler når me er der).
  • Dag 4

    Dag 4

    Me blir frakta i kanoar tilbake til Puerto Maldonado og deretter flyr me til fantastiske Cusco, "Inkaenes hovedstad". Resten av dagen er til eigen disposisjon. Cusco er ein utruleg spennande "by" å utforske på eigen hånd, med alle dei små sjarmerande gatene og butikkane.
  • Dag 5

    Dag 5

    Me tilbringer første del av dagen på sightseeing i Cusco – denne heilt spesielle byen som ligg 3400 moh, og som mange meiner er den mest spennande i heile Sør-Amerika. Me besøker fleire flotte turistattraksjonar både i byen og i fjellsidene rundt. Dette er også ein perfekt dag som akklimatisering til Inka Trail.
  • Dag 6

    Dag 6

    Denne dagen er til eigen disposisjon, og dette er også ein viktig dag med tanke på akklimatiseringa fram mot Inka Trail som startar i morgon. Dersom du ønsker det kan du bli med på ein busstur/vandretur til det verdenskjente Rainbow Mountain, ein attraksjon som har blitt veldig populær dei siste åra. Frå der bussen stoppar er det ca. 3 timars roleg vandring til Rainbow Mountain (tur/retur). Turledaren kan også foreslå andre aktivitetar, f.eks. ein vandretur i nærområdet rundt gamlebyen. (NB! Eventuelle aktivitetar denne dagen, ut over ein vandretur/sightseeing med turledaren, er ikkje inkludert i prisen. Alle må sjølvsagt ikkje velge det samme). Om kvelden er det pakking og forberedelsar til eit av dei store høgdepunkta på turen – Inka Trail.
  • Dag 7 - 10

    Dag 7 - 10

    Me blir transportert til startpunktet på Inka Trail. I løpet av fire dagar vandrar me denne berømte stien fram til Machu Picchu. Bærarane våre tar seg av bagasjen vår og kokken ordnar dei mest imponerande måltid. Me skal over tre fjellpass på den 44 kilometer lange vandringa. Når me kjem fram til Machu Picchu får me først ein historisk og kulturell omvisning før me får tid til å nyta denne fantastiske staden på eigen hånd. Det er ikkje så mykje meir å sei om Inka Trail og Machu Picchu... det må berre opplevast! For mange er dette høgdepunktet på turen, og vil gje deg minner som du aldri vil gløyma. Om kvelden den siste dagen tar me toget tilbake til Cusco frå Aguas Calientes ved foten av Machu Picchu, gjennom ein trong og spektakulær "jungel-dal" – ein stor opplevelse i seg sjølv.
  • Dag 11

    Dag 11

    Me flyr frå Cusco til Lima. Etter lunsj blir det ein spennande sightseeing i Lima. Også denne enorme byen har sin fascinerande historie.
  • Dag 12

    Dag 12

    Etter lunsj blir me transportert med privat buss sørover Stillehavskysten til Ica, ikkje så langt frå Nazca-ørkenen. Dei som ønsker det kan ta ein flytur over dei verdensberømte Nasca-linjene om ettermiddagen (frivillig, ikkje inkludert). For dei som ikkje ønsker å fly kan det sikkert friste med nokre timar ved bassenget der du kan nyta sola (Ica er ein av stadane det regnar minst i heile verda, så her trur eg at eg kan garantera sol...) eller du kan vandra litt rundt på eigen hånd, evt. med turledaren dersom de vil ha ein liten mini-sightseeing.
  • Dag 13

    Dag 13

    I dag skal me verkeleg oppleve mykje spennande! Dagen startar med ein båttur som du ikkje kjem til å gløyme så fort. Ballestasøyene vert kalla Peru sine Galapagosøyer fordi dei har eit svært spesielt dyreliv. Me får sannsynlegvis sjå sjøløver, sel, pingvinar, flamingoar og tusenvis av andre sjøfuglar. Ein utruleg kontrast til den golde ørkenen berre nokre mil unna. Etter lunsj køyrer me opp til Huacachina for ein adrenalinfylt køyretur i nokre av verdas største sanddyner. Dyktige og erfarne sjåførar køyrer dei svære buggiane opp og ned sanddynene som om det var den naturlegaste ting i verda. Du får også sjansen til å forsøka deg på noko så eksotisk som sand-boarding dersom du ønsker det. Kontrasten du får oppleve i dag – hav og ørken – kan nesten ikkje bli større. (NB! Rekkefølgen på aktivitetane desse to dagane kan variere)
  • Dag 14

    Dag 14

    Me blir køyrt i buss tilbake til Lima. Kanskje rekker me å utforske Lima litt på eigen hånd, eller shoppe litt souvernirar, før me blir transportert ut til flyplassen om ettermiddagen.

    DERSOM DU HAR VALGT STANDARDTUREN:
    Du set deg på flyet og setter kursen heimover over det Sør-Amerikanske kontinentet og Atlanterhavet.

    DERSOM DU HAR VALGT Å AVSLUTTE TUREN MED TITICACASJØEN:
    Dersom du har valgt å avslutte turen med eit besøk på Titicacasjøen, fortsetter turen eit par dagar til ved at du om ettermiddagen flyr til Juliaca. Så ein kort busstur til Puno som ligg ved breidda av verdas høgaste navigerbare innsjø (dvs. at det går store båtar på den), 3812 moh. På den andre sida kan ein på klare dagar sjå 5-6000 meter høge snøkledte Andesfjell raga over innsjøen. Eit spektakulært skue.

    NB! Turledaren blir ikkje med til Titicacasjøen, men de vil sjølvsagt bli møtt på flyplassen i Puno av dei lokale guidane og tatt godt vare på heilt til de returnerer til flyplassen for flyturen heim att.
  • Dag 15

    Dag 15

    DERSOM DU HAR VALGT STANDARDTUREN UTAN TITCACASJØEN:

    Etter ein lang flytur landar me i Norge på formiddagen.


    DERSOM DU HAR VALGT Å AVSLUTTE TUREN MED TITICACASJØEN:

    De besøker i dag dei heilt spesielle flytande øyane på Titicacasjøen. Her får de ein omvisning korleis dei bygger dei spesielle øyane og korleis samfunnet fungerer her ute. De vert også med på ein båttur i ein sivbåt som ser ut som ein liten versjon av Kon-Tiki, flåten som Thor Heyerdal fekk bygt ved Titicacasjøen i 1947 og som han segla frå Lima til dei Polynesiske øyane Raroia. Om ettermiddagen flyr de tilbake til Lima.

    NB! Turledaren er ikkje med til Titicacasjøen, men de vil sjølvsagt bli tatt godt vare på av dei lokale guidan under heile opphaldet.
  • Dag 16  (Tilleggsprogram)

    Dag 16 (Tilleggsprogram)

    DERSOM DU HAR VALGT Å AVSLUTTE TUREN MED TITICACASJØEN:
    Den siste dagen i Peru kan du bruke til å utforska shoppingmogelegheitene i hovedstaden Lima. Men du kan sjølvsagt også bruka dei siste timane til å besøka eit av dei mange museuma i byen, eller berre nyta byen heilt på eigen hånd. Om ettermiddagen blir de transportert ut til flyplassen og reisa heim igjen til Norge startar.
  • Dag 17  (Tilleggsprogram)

    Dag 17 (Tilleggsprogram)

    DERSOM DU HAR VALGT Å AVSLUTTE TUREN MED TITICACASJØEN:

    Etter ein lang flytur landar me i Norge på formiddagen.

    NB! Eg tek atterhald om endringar i dagsprogrammet på grunn av vêrforhald og liknande.

rgf logo


Arrangøren er medlem av Reisegarantifondet (www.rgf.no). Turen vert arrangert i samsvar med Pakkereiseloven av 1995 og Reisegarantifondet (RGF) sine retningslinjer.